粟米魚肚羹

source: http://www.cookbook.hk/recipes_show.php?number=38

蒜香椒鹽排骨

 
材料: 飛排$40、蒜頭8粒、蔥粒、辣椒仔1隻、蕃薯粉2湯匙

醃料: 豉油1湯匙、鹽1/4茶匙、糖、酒和粟粉各1茶匙和胡椒粉少許

調味: 椒鹽1茶匙

做法: 排骨用醃料醃2小時；蒜頭磨成蓉；蔥和辣椒切粒；

燒熱油鑊，將排骨沾上薄薄蕃薯粉，放入鑊中煎至金黃色及熟後盛起；

落少許油爆香蒜蓉加排骨快炒，加入蔥粒和辣椒粒，

灑上椒鹽便成。

source: http://blog.yahoo.com/_NJT4R75JSBRVSGFOW2VSNZK7IM/articles/607764/date/201207

菜脯蛋

【材料】(三人份) 約需10分鐘、材料浸泡40分鐘

蛋 3個(大)

菜脯粒 4盎司

蔥花 1湯匙

橄欖油 1湯匙

醬油 1/4茶匙

黑胡椒 1/4茶匙

【準備】

.. 菜脯粒剁碎泡水40分鐘，瀝乾備用。 
.. 蛋去殼，在大碗中打散，加瀝乾的菜脯粒，打勻。 

【做法】

1. 開中火，炒鍋熱後，放橄欖油、蔥花、醬油、黑胡椒，炒拌均勻。 
2. 將打勻的蛋液、菜脯粒沿鍋淋入，煎熟，關火，即可。

source: http://www.greenatheart.com.hk/index_topic.php?did=197392&didpath=/197392#b0

粟米魚肚肉碎羹

材料: 地們粟米蓉2盒、豬肉碎$10、魚肚4條、雞蛋1隻、

薑片、馬蹄粉3湯匙和3湯匙水
醃料: 豉油、糖、粟粉和水
做法: 用醃料醃豬肉碎半小時；雞蛋攪勻備用；
馬蹄粉用3湯匙水開勻備用；魚肚用水浸軟，燒熱一鍋水，

加薑片放入魚肚出水15分鐘，唔好開蓋焗多大半個鐘，

洗淨內裡的沙粒，切絲備用；倒入2盒粟米蓉加2盒水放入煲內煮滾，
水滾後加魚肚煲15分鐘，放入肉碎後滾多5-8分鐘，

加入鹽調味和馬蹄粉水攪勻至杰身，最後熄火落蛋漿攪勻，

隨個人喜好加胡椒粉調味便成。

source: http://blog.yahoo.com/_NJT4R75JSBRVSGFOW2VSNZK7IM/articles/593120/date/201202

涼拌蒜泥手撕茄子

茄子最好用清蒸方法烹調，

有抗衰老、防胃癌和防止出血嘅功效添!

不過茄子較寒，

身子虛寒和便秘者不宜多食啦!

大家可以睇睇~茄子的醫學價值!

 

 

材料: 茄子2條、蒜蓉、乾蔥蓉、辣椒絲和蔥粒

調味: 豉油1湯匙、老抽半湯匙、鎮江醋1湯匙、糖2茶匙、

麻油少許和1湯匙凍滾水

做法: 茄子切去頭部，原條蒸15分鐘至熟；

待涼後用手撕開茄子成絲放在碟上，

燒熱油鑊，爆香蒜蓉和乾蔥蓉後，

與調味、辣椒絲和蔥粒拌勻，淋在茄子面便成。

source: http://blog.yahoo.com/_NJT4R75JSBRVSGFOW2VSNZK7IM/articles/594081/date/201202

蘿蔔肉丸煲

材料: 蘿蔔1條(細)、甘筍1條(細)、肉丸1磅、細雞湯1盒、

1碗水、薑片和蔥粒

做法: 蘿蔔和廿筍去皮切片；肉丸界十字俾用；

將雞湯和1碗水燒熱後，加入薑片、蘿蔔和甘筍煲至腍，

加入肉丸煲多5分鐘，最後灑上蔥粒便成。

(自行加鹽調味)

source: http://blog.yahoo.com/_NJT4R75JSBRVSGFOW2VSNZK7IM/articles/923979/date/201301

椒鹽雞翼 紫菜肉丸湯

 

椒鹽雞翼

材料: 雞翼2磅、蒜頭蓉和乾蔥蓉各1湯匙、蔥粒、辣椒1隻、粟粉3湯匙

醃料: 豉油1湯匙、鹽1/4茶匙、糖、酒和粟粉各1茶匙和麻油少許

調味: 椒鹽1茶匙

做法: 雞翼用醃料醃1小時；蔥和辣椒切粒；

燒熱油鑊，將雞翼沾上薄薄粟粉，放入鑊中煎至金黃色及熟後盛起；

落少許油爆香乾蔥蓉和蒜蓉加雞翼快炒，加入蔥粒和辣椒粒，

灑上椒鹽便成。

source: http://blog.yahoo.com/_NJT4R75JSBRVSGFOW2VSNZK7IM/articles/966758/date/201302

小炒皇

(元貝醬係南X行買，可用XO醬代替)

材料: 韭菜花1扎、甘筍半個、芽菜適量、蝦乾1兩、

吊片4隻(魷魚乾)、蒜蓉、元貝醬1湯匙、鹽和糖適量

醃料: 豉油半湯匙、糖、粟粉和紹酒各半茶匙

做法: 吊片浸軟去衣切花，用醃料醃15分鐘；

蝦乾浸軟；韭菜沖沖水後切段；

甘筍切絲和芽菜摘頭和尾後，出水30秒左右撈起；

燒熱油鑊加蒜蓉和元貝醬爆香，加入吊片快炒贊少許酒，

加入灼咗嘅甘筍和芽菜炒數十下後，倒入韭菜花和蝦乾，

加鑊蓋焗30秒左右，可隨個人口味加鹽和糖調味便成。

source: http://blog.yahoo.com/_NJT4R75JSBRVSGFOW2VSNZK7IM/articles/1151418/date/201304

白汁蘑菇雞絲燴意粉

棄用一般罐頭白汁，自己煮!

 

白汁煮法:

材料: 700ml鮮奶、200ml雞湯、麵粉和牛油各2湯匙、蘑菇片、

雞髀肉2塊、三色椒1/4個(切粒)和Parsley碎少許
醃料: 豉油1湯匙、糖和粟粉各1茶匙

做法: 雞髀肉去皮切絲用醃料醃半小時；蘑菇切片備用；

燒熱油鑊炒雞絲至7成熟後盛起；

用易潔鑊炒香牛油加麵粉炒約2分鐘，

逐少加入叮熱嘅鮮奶慢慢攪勻；

麵粉溶於奶後(未溶哂可以過篩)，

加雞湯、蘑菇片、雞絲和三色椒粒煮滾，
加鹽調味和灑上Parsley碎便成。

(想滑D可加淡忌廉200ml，咁就要減鮮奶份量啦!)

source: http://blog.yahoo.com/_NJT4R75JSBRVSGFOW2VSNZK7IM/articles/1167104/date/201305

豉椒炒蜆

材料: 蜆$40、蒜蓉、乾蔥蓉、薑蓉、豆豉粒和紹酒1茶匙

調味: 蠔油、辣豆瓣醬和老抽各1湯匙、糖1茶匙、

鹽和麻油各少許、水半碗

做法: 燒熱水加入蜆灼至蜆殼半開後瀝乾水份備用；

燒熱油鑊爆香豆豉粒、蒜蓉、乾蔥蓉和薑蓉，

加入蜆快炒數十下後沿鑊邊贊1茶匙酒；
落調味後炒數十下後加蓋焗1-2分鐘，

最後加1茶匙粟粉水埋獻汁便成。

Source: http://blog.yahoo.com/_NJT4R75JSBRVSGFOW2VSNZK7IM/articles/1171006/date/201305

味菜炒牛柳絲

街市亞姐話呢個牌子嘅咸酸菜冇咁咸，

又真係冇介紹錯喎!

材料: 咸酸菜1包、牛柳$40、蒜蓉、薑片、辣椒2隻、糖1茶匙

醃料: 豉油1湯匙、老抽少許、糖和粟粉各1茶匙、麻油少許和1湯匙水

調味: 豉油1湯匙、糖和粟粉各1茶匙

做法: 牛柳切絲後用醃料醃1小時；咸酸菜浸淡後切絲，

燒熱鑊不用落油加薑片、咸菜炒至乾身，

加1茶匙糖炒勻盛起備用；

燒熱鑊落油爆香蒜蓉和牛柳絲至7成熟，

加入調味和咸酸菜煮至汁乾，加辣椒仔裝飾便成。

(鐘意食辣嘅可以將辣椒仔切粒一齊炒呀!)


source: http://blog.yahoo.com/_NJT4R75JSBRVSGFOW2VSNZK7IM/articles/1171429/date/201305

香草雞翼配薯菜

本來想整日式咖哩雞翼，

點知大魔怪話生痱子唔想食咖哩，

而我又唔想煎煎炸炸，

唯有轉整焗雞翼啦!

材料: 雞翼2磅、薯仔3個、甘筍1條、PARSLEY適量

雞翼醃料: 魚露2.5湯匙、老抽半湯匙、糖2茶匙、麻油少許、

蜜糖1湯匙

薯菜調味: 橄欖油2茶匙、鹽少許、蒜粉少許

做法: 雞翼解凍用醃料醃2小時；

薯仔和甘筍切件後加調味撈勻；

預熱焗爐200度15分鐘，

把薯菜放入焗盆底後加入雞翼，灑上PARSLEY碎，

用上下火焗45-50分鐘便成。


Source: http://blog.yahoo.com/_NJT4R75JSBRVSGFOW2VSNZK7IM/articles/1173441/date/201306

光波蜜椒雞翼

蜜椒雞翼 

而且預先用生抽,雞粉,燒酒,胡椒粉,黑胡椒 醃了2-3小時

接"烤焗"功能用12分鐘 230度, 塗上蜜糖後 光波3分鐘, 之後反轉雞翼再塗上蜜糖再光波3分鐘~ 上碟 yeah =v=~  賣樣唔差架 , 食落去仲好好食添 , 好似BBQ雞翼咁~  

source: http://blog.yahoo.com/_HGOLNKFQUOGH6RXQRM7WVTRQYM/articles/451691

蜜椒雞翼

前排睇番亞蘇嘅節目，

教大家醃燒烤雞翼時，

加埋蜜糖一齊醃會好味D喎；

我又試下係咪真係咁好食先得!

材料: 雞翼2磅、蒜蓉、蜜糖1湯匙
醃料: 豉油2湯匙、老抽1湯匙、鹽和粟粉各1茶匙、

黑椒碎1湯匙、麻油少許、蜜糖2湯匙和花雕酒少許

做法: 將雞翼解凍後，加蒜蓉和醃料醃2小時以上(我醃咗隔夜呀!)；
預熱焗爐(用上火)220度15分鐘，焗雞翼30分鐘，

記得中途反轉雞翼，最後8分鐘搽蜜糖再焗至熟便成。

Source: http://blog.yahoo.com/_NJT4R75JSBRVSGFOW2VSNZK7IM/articles/644784