顯示具有 節日菜 標籤的文章。 顯示所有文章
顯示具有 節日菜 標籤的文章。 顯示所有文章

2013年3月9日 星期六

自製蓮蓉【珍貴餡料】Lotus Seed Puree


自製蓮蓉 Lotus Seed Puree01

自家製的蓮蓉是珍品啊!難嗎?非也。做法非常簡單容易,但吃的人,真要用心去享受和欣賞。原因簡單:一來,蓮子價錢不平,尤其在澳洲買蓮子很貴喔。二來,做蓮蓉真是要慢功出細貨。上星期基絲汀就做了1公斤多的珍品——自家蓮蓉。 蓮蓉用途多的是,可做包子,或慶祝將到的中秋節,做傳統廣式月餅。 基絲汀的奶奶是用傳統方式做蓮蓉,單靠一隻手臂,用鑊鏟把煲至爛開的蓮子壓成蓉,非常吃力呢。基絲汀就拿了個食物搞拌器來幫幫忙,省些氣力。不過,仍然需要不少耐性去炒蓮蓉。做出來的蓮蓉帶著濃濃的蓮香。甜度也剛剛好,適合自己的口味。自家做蓮蓉費力費時,但用的每一分錢,出的每一分力,都是值得的。 

自製蓮蓉 
基絲汀@簡易食譜  
準備時間: 3 小時(浸蓮子)  
烹調時間: 1 ½小時  
份量: 約 1.2公斤  

材料:
  • 蓮子 400克
  • 砂糖 200克
  • 菜油 200毫升
浸蓮子 Soaking Lotus Seeds
要去掉蓮子中間的綠色蓮芯,有苦味啊。
炒蓮蓉製作圖 How To Make Lotus Seed Puree

做法:
  1. 先把蓮子沖水,用水泡浸約3小時,或隔夜。檢查蓮子,如有蓮芯,要挑走,否則有苦味。(我買的是開半的靚湘蓮,但有幾粒蓮子仍有芯存留。一粒也沒給基絲汀放過,哈!)
  2. 用一深鍋,加蓮子,放下適量的水,以蓋過蓮子為準。用大火煮滾後,轉小火,煮至蓮子稔軟。撈起,分批放入食物搞拌器 food processor ,加少許水份,搞爛成蓉。如喜歡更滑,可再過篩。
  3. 把蓮子蓉和糖放入不黏鑊中,用中火炒勻,直至糖完全溶解。分三次倒進油,每次要確定油完全被吸收。炒至濃稠即成。放涼後,放入一密封容器中,表面緊貼一保鮮膜或 baking paper, 以防倒汗水。加蓋,放入雪櫃,可存至兩、三星期。如放入冷凍室 freezer, 更可存放更長時間。
自製蓮蓉 Lotus Seed Puree02

溫馨提示:
  • 用來煲蓮子的水份,視乎所用的煲大小,和火力而定。如果水份已乾,但蓮子還未夠軟稔,可酌量加滾水,繼續煮至蓮子完全軟身。 如蓮子軟稔後,仍有水份,可留下作搞爛蓮子之用。
  • 加入搞拌器搞打蓮子的水量很隨意,只要能令蓮子可順利搞爛便可。加得多的話,炒蓮蓉的時間就長一些。加得少,炒蓮蓉時間就缩短。


更多内容: http://www.christinesrecipes.com/2011/09/lotus-seed-puree.html#ixzz2N3RGMra2

2013年3月4日 星期一

脆香福袋食譜


用光波爐自製福袋,應節又好味! 想知點樣可以免費攞走光波爐,快啲click入黎睇吓:

材料: 雞髀菇1隻,甘筍1條,西芹3條,洋蔥半個,春卷皮4塊,雞蛋1隻,韮菜花數條
1. 先將雞髀菇、甘筍、西芹及洋蔥洗凈,去皮切粒;韮菜花煮1分鐘後浸冰水備用。
2. 鍋中燒熱橄欖油,放入蔬菜粒炒香, 再加紹興酒,以鹽及胡椒粉調味。
3.以隔篩隔走蔬菜多餘水份,將約2湯匙的份量放在春卷皮中央, 然後在四邊塗上蛋漿,摺好封成方形小包,再以韮菜花紮成福袋。
4. 在福袋塗上蛋漿及橄欖油,放進光波爐,每邊用高架以260°C烤5分鐘即可。

2012年12月11日 星期二

簡易生炒糯米飯


材料:
糯米
臘腸
蝦米
冬菇
蔥花
調味料:
生抽
老抽
紹酒
食譜係參考自黃婉瑩 (Annie Wong ) o既《粥粉麵飯》。





- 糯米預先洗淨,用水蓋面浸兩個鐘。
- 臘腸蒸熟後切細粒;蝦米洗乾淨,用熱水浸軟備用,冬菇用水浸軟,洗乾淨後
切粒。

- 將浸好嘅糯米舖平喺碟上面,蒸約 30 分鐘至熟。
- 糯米蒸熟後將飯打鬆,攤凍備用。
- 燒熱油鑊,爆香臘腸、冬菇同蝦米,灒少少紹酒。
- 之後加入糯米飯同調味料一齊炒勻,灑上蔥花後,快手兜炒幾吓就完成。

確實係一個簡易版本嘅生炒糯米飯,據我所知,正宗嘅做法係將啲糯米由生炒到熟,都幾花功夫,依家就預先將佢蒸熟,真係慳番唔少功夫同時間。不過都幾辛苦,因為啲飯好黏,好難將佢炒散,真係炒到手軟 o架!後尾加咗少少水就好炒好多喇,當堂容易散開。
今日好似唔係好啱時候食糯米飯喎,因為天氣暖番,不過唔緊要,反正煲白果薏米腐竹糖水,係比較寒涼,食番個糯米飯戥番勻佢囉,嘻嘻
老豆食咗兩啖後就即刻話好食,都算無枉費我出盡 "九牛二虎之力" 去炒!

Notes:
- 根據 Annie 所講,最好灑 2 - 3 湯匙水落糯米度,幫助煮熟透,所以我就加番之
前浸蝦米水落去。
- 由於臘腸本身都已經好多油,所以爆臘腸時可以用少啲油。

冬菇蠔豉海參炆雞


材料:
冬菇
蠔豉
海參
黃耳

豬橫脷
唐生菜
蒜茸
醃料:


生抽
胡椒粉
紹酒
粟粉
麻油
調味料:


老抽
蠔油
紹酒

麻油

呢碟係醃好嘅雞、發好嘅海參同洗淨豬橫脷。



呢碟係洗淨嘅冬菇、蠔豉同汆咗水嘅黃耳。

雞洗乾淨、瀝乾水,用抹手紙索乾水份後,用醃料醃好備用;冬菇浸透,去蒂、洗淨 ( 今次試吓學阿蘇用粟粉洗,睇吓會唔會 "令" 身);蠔豉用熱水浸軟後洗淨備用,海參係媽咪知道自己就快要離開我哋時,親自督師教路點樣發海參,等我之後可以自己隨時煮食,所以發定好多放喺冰箱,我只需係冰箱攞番出嚟解凍,洗淨後用薑蔥汆水,之後切件;黃耳用水浸透發大後,剪去底部硬木,洗淨汆水備用;雞洗乾淨後,用醃料醃一個鐘;豬橫脷切去底部中間白色組織,洗淨備用;唐生菜洗淨備用。
燒熱真空煲內鍋,落油、爆香蒜茸,跟住落雞兜炒幾吓後就贊酒,之後加埋蠔豉、海參同豬橫脷,兜多兩兜,再放埋剩低嘅材料落去,加水及調味,煮到啲汁大滾後,轉細火炆一陣,之後再用番大火滾起就放落真空煲度,食飯前拎番出嚟煲多一陣,跟住灼埋啲唐生菜墊低,將啲舀喺面,咁就攪掂喇!
味道啱好,香噴噴,聞到味就好有做節 feel,生菜又索哂啲汁,好味!

Source: http://blog.yahoo.com/_EZXYU2MODYMADQBDU3JSDYNTL4/articles/66810/category/%E5%90%84%E5%9C%B0%E8%8F%9C%E5%BC%8F%E7%AF%87

2012年12月10日 星期一

笑哈哈搵金沙


                       
如果喜歡食辣可以另加辣椒
過年大家都會整d海鮮菜式,
希望你都喜歡呢個餸啦,
食完笑哈哈搵多D金沙....
 

材料:
海中蝦:12襾,
蒜茸1.5湯匙,
金蒜1.5湯匙,
薑茸1茶匙,
蔥段,

調味:
XO醬1.5湯匙,
雙璜生抽1茶匙,
糖1茶匙,
紹興酒1湯匙,

做法:
  1. 蝦剪去眼,蝦腳,在蝦肚位劏開, 抹乾水用1湯匙粟米粉撈勻,
  2. 熱鑊下一茶匙油煎至二面金黃(備用)
  3. 下1茶匙油爆蒜茸薑茸放回中蝦, 灒酒下調味炒20至30秒,
  4. 加入蔥段上碟加上金蒜.OK
***在蝦腳位劏開係可以令蝦入味,
如不喜歡在蝦腳位可在蝦背會劏開.