香煎帶子

帶子, 牛油乾蔥 (剁碎), 鮮忌廉, 鹽適量, 黑胡椒粉適量, 蕃茜碎

伴碟 (沙律菜少許)

 

1. 帶子沖淨，用水煮大約一分鐘，印乾備用。

2. 牛油煮溶，放入帶子煎至兩面金黃，盛起。

3. 原鑊爆香乾蔥碎，徐徐倒入鮮忌廉煮杰，加入調味及蕃茜碎。

4. 把汁徐徐倒到帶子面

帆立貝（2隻）配蒜蓉牛油

帆立貝（2隻）配蒜蓉牛油

 

做法： 將蒜蓉牛油汁加在帆立貝面上，放入焗爐以250℃ 焗7分鐘，「叮」一聲之後香味四溢，趁熱享用啦！

 

 

OR

 

牛油蒜蓉帆立貝

 

材料：

 

帆立貝5隻、蒜蓉

 

做法：

 

1)   帆立貝從冰箱中取出後，將帆立貝用水解凍，風乾備用。

 

2)   用牛油起鍋，加入蒜蓉慢火炒。

 

3)   加入帆立貝炒勻。

 

4)   加入酒及香草，炒勻後上碟。

阿參海鮮粉絲

材料：
急凍白魚柳
急凍魷魚
急凍蝦仁
蕃薯粉絲
翠玉瓜
蔥花
芹菜

醃料：
鹽
胡椒粉
黑椒

調味料：
魚露
阿參醬
糖

魚柳洗淨瀝乾水，用抹手紙索乾水份後，用醃料醃好；魷魚同蝦仁先用水沖洗，再用粟粉 "省" 吓，可以去除表面啲潺，之後過水沖走粟粉。魷魚切圈、蝦仁切開背面，用鹽同胡椒粉醃好；蕃薯粉絲用暖水浸軟，洗淨備用；翠玉瓜洗淨切片；芹菜洗淨切粒。

準備好哂所有材料後，先將魷魚同蝦仁預先灼熟，但只需放滾水內約半分鐘，因為陣間要回鑊再炒，所以唔駛灼到全熟，如果唔係就會熟過頭。之後燒熱油鑊，將魚柳撲粉，放鑊內煎至微黃就 OK，盛起備用；跟住略炒翠玉瓜，之後加少少水，倒入阿參醬煮開後，放入粉絲煮一陣，再將所有海鮮料回鑊，最後加入魚露、糖、蔥花同芹菜粒，炒兩炒就可以上碟。

煮呢個餸時一定要試味，因為阿參醬係好濃味，又酸、又辣，又鹹，所以糖可以用多少少，魚露就唔駛太多，純粹代替鹽用嚟調味，同埋更多有東南亞風味。
Source: http://blog.yahoo.com/_EZXYU2MODYMADQBDU3JSDYNTL4/articles/66812/category/%E5%90%84%E5%9C%B0%E8%8F%9C%E5%BC%8F%E7%AF%87

蒸細鱗

材料：
細鱗
薑片
蔥段
蒸魚豉油

其實蒸魚就無乜太大特別，加上我係佛教徒，唔會食生猛海鮮，只會食 "o訓覺" 魚，所以無乜值得講，不過就想同大家分享吓我今日嘅經驗。

呢次係我第一次自己買細鱗蒸嚟食，以前媽咪都間唔中會買呢隻魚嚟蒸，都覺得好食，但其實今日我喺魚檔見到時，係鋪哂喺冰上面，好大部份都已經有 "白內障"，唯獨是我揀到呢條仲係眼仔碌碌，對眼好晶瑩通透，魚腮就一定唔係鮮紅 o架喇，但就不之於瘀紅，只係淡紅啫，見佢 size 都唔細，夠我哋兩個人食，全部都只係 $13 條，加上之前多數食急凍魚柳或魚扒，好耐都未食過蒸魚喇，所以即管買嚟試試，不過唔會抱太大期望。

點知蒸完出嚟又幾好喎，我老豆因為 "無牙"，所以不嬲都淨食魚腩，佢就話無乜味，個係我食個魚背就非常鮮甜，夾咗少少俾佢試，佢都話同個腩完全唔同，鮮甜好多，由此可以證明到兩樣嘢：

1. 魚不可以貌相

2. 魚腩同魚背嘅食法係可以有咁大分別

Source:

日式京蔥燒汁帶子

材料：
京蔥
急凍帶子

調味料：
日式燒肉汁
糖

呢支就係日式燒肉汁喇。

帶子解凍後沖一沖水，然後用粟粉逐隻 "捽幾捽"，過水洗淨後就放入滾水中，立即熄火，冚蓋焗 30 秒鐘，即刻撈番起佢，攤凍備用；京蔥洗淨後切粗片。燒熱平底鑊，放京蔥落鑊炒香，炒到五成熟就加入燒汁，煮一煮就放埋帶子落去，因為燒汁都幾濃味，所以落番少少糖調味，唔駛太鹹，兜幾兜就好熄火上碟喇，如果唔係啲帶子就會超縮水同變得過實，唔好食 o架喇！

點呀，係咪好易煮呢！阿馳就話最欣賞呢碟喎。

Source: http://blog.yahoo.com/_EZXYU2MODYMADQBDU3JSDYNTL4/articles/66821/category/%E5%90%84%E5%9C%B0%E8%8F%9C%E5%BC%8F%E7%AF%87

豉椒味菜魷魚

材料：
魷魚
青椒
豆豉
蒜片
鹹酸菜

醃料：
鹽
糖
胡椒粉

調味料：
鹽
糖
生抽
紹酒

魷魚解凍後先用水沖洗，之後用粟粉內外 "省一省"，去除表面嘅潺，之後喺面切花，再用醃料醃一陣；青椒洗淨後切細塊；豆豉用水輕輕沖一沖；鹹酸菜要預先浸水約 15分鐘，咁就唔會太過鹹喇，跟住洗乾淨、切件，用少少糖醃一醃，備用。

燒熱油鑊，將魷魚炒到半熟就即刻盛起，跟住爆香蒜片、豆豉同青椒，灒酒，之後加入鹹酸菜炒幾炒，再將魷魚回鑊，加入調味料，灒多次酒，兜兩兜就可以上碟。

Source: http://blog.yahoo.com/_EZXYU2MODYMADQBDU3JSDYNTL4/articles/66855/category/%E5%90%84%E5%9C%B0%E8%8F%9C%E5%BC%8F%E7%AF%87

蒜茸蒸鮮魷

材料：
魷魚
粉絲
蔥花

醃料：
蝦醬
麻油油爆辣椒
蒜茸
糖

魷魚內外去衣，撕去軟骨及內臟，洗淨、瀝乾水份後剪成細塊，加入醃料、撈勻；粉絲用水浸軟後洗乾淨備用。

將粉絲先鋪好喺碟上，然後將醃好嘅魷魚平均鋪喺粉絲上面，隔水蒸約 8-10分鐘至熟，最後灑上蔥花即可。

Note：
醃魷魚時可以落多些少糖，因為蝦醬比較鹹味。

韭菜炒蜆肉

材料：
韭菜
急凍蜆肉
辣椒乾
蒜茸

調味料：
紹酒
雞粉
糖
麻油

- 蜆肉解凍後洗乾淨，瀝乾水份；韭菜洗淨後切粒，備用。
- 辣椒乾沖洗後切開幾粒，同蒜茸一齊落油鑊內爆香。
- 之後加入蜆肉，快手兜炒幾下，灒酒，盛起待用。
- 再燒熱少少油，加入韭菜炒兩炒，灒酒，將蜆肉回鑊。
- 加入調味料，兜勻後灑上麻油就可以熄火上碟。

其實我都唔知道當時媽咪係咪咁煮 o架，我只係憑自己對當時味道僅有嘅回憶而去模仿咋！不過，有食過我之前所講果隻蜆肉仔嘅朋友應該知道，同呢隻大蜆肉比，根本係兩回事，不單只無咗果種鮮味之餘，個肉質都完全唔同，蜆肉仔啲肉實好多，而呢種就腍好多呀！

Notes：
- 無論炒蜆肉定係韭菜，都要快手，同埋唔好炒咁耐，因為兩樣材料炒得耐都唔單只會韌，仲越炒越化水 o添。

- 解凍後嘅蜆肉要徹底洗乾淨，唔好以為急凍肉就好乾淨，你哋睇吓幅相就知 o架喇：

其實影呢張相之前已經清洗過一次，比依家更污糟呀！
到洗第二次都仲有咁多污糟嘢呢！

- 落調味之前最好先試一試味，因為蜆肉始終係海產，會有一定鹹味。

酸辣煎大蝦

材料：
急凍虎蝦
金不換
紹酒

調味料：
泰式雞醬
魚露
青檸汁
糖

- 虎蝦解凍後洗乾淨，剪去眼、鬚及腳，剪開蝦頭，清除沙囊，蝦背切開，清除
蝦腸。
- 金不換洗乾淨後剪碎；將調味料預先混合好，備用。
- 燒熱油，放蝦入鑊內煎香、灒酒，煎到兩面都金黃色就先盛起。
- 調味料倒入鑊內煮滾，之後將蝦回鑊，兜勻。
- 當醬汁煮到開始濃縮時，就加入金不換碎，兜炒幾吓即可上碟。
- 將醬汁淋上大蝦上。

Notes：
- 若蝦身太濕的話，落鑊前先用抹手紙索乾水份。
- 唔同牌子嘅魚露鹹味會有唔同，如果唔夠鹹的話，可酌量加鹽調味。

- 青檸汁可用檸檬汁代替。

- 落咗金不換之後唔可以炒得太耐，否則香味就會消失。

Source: http://blog.yahoo.com/_EZXYU2MODYMADQBDU3JSDYNTL4/articles/67403/category/%E5%90%84%E5%9C%B0%E8%8F%9C%E5%BC%8F%E7%AF%87

什豆茄汁燴蝦仁

二寶在放大假在家,約左D同事AND女朋友來食飯,又話想學煮鎮江骨,

結果是出去買D食材同帶同事返屋企,一去就6:00PM才回來,當然又

是我做左呀四啦,呢個是當晚其中一個菜式,酸酸甜都幾好味.

材料:

中蝦半斤,
什豆5元,
薑片.

調味:

蕃茄醬2湯匙,
糖1湯匙,
生抽,
水3湯匙,
生粉水少許.

中蝦剥殼洗淨拭乾用少許鹽,胡椒粉,蛋白先醃一會,什豆洗淨備用.

什豆跟蝦仁先用熱水汆一下,

燒熱鑊少許油先爆香薑片,將薑片取出下蝦仁炒一會灒酒,

加入什豆炒一會,下調味試味,生粉水勾芡.OK

***蝦仁可改配其他蔬菜

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32128/category/%E6%B5%B7%E4%B9%8B%E5%A8%98%E5%93%81

橙汁香草魚塊

昨天出左薑蔥魚塊,原來很多人都同大寶一樣怕吃魚腥同怕D骨,呢個是昨晚

其中一個菜,因為二寶女朋友昨晚來吃飯,她喜歡酸酸甜同要有汁嘅餸,

而家年輕人大都喜歡比較西式煮法,看來我也要多點參考,

呢樽香草也是二寶買返來,上次他們拍拖3週年煮飯仔用,

呢個餸也可原件煎再淋汁,很合女孩子怕肥又怕麻煩去骨,

魚肉很滑,香草用橙汁味跟魚也很配合,連大寶對魚麻麻地也說好味,

材料:

鯰魚肉2條(切件)
橙1至2個(因大少有差別)

橙汁調味:

鹽少許,
生粉少許,
橙汁半碗.(如橙夠甜就不用加糖,如不夠甜可加糖調味)

醃魚:

半茶匙鹽,
胡椒粉少許,
薑汁少許,
香草少許,
醃10分鐘(在煎前加生粉, 1茶匙,油1湯匙撈勻)

1:用平底鑊(最好是易潔鑊)煎魚塊至二面微黃,留用

2:將橙汁調味下鑊煮勻試味,(汁要煮杰一點,要可掛在魚塊上)下魚塊兜勻.OK

***煎魚時不要將魚反來反去要等佢先要有點熟度(即轉白色),否則很易會散.

 

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32168/category/%E6%B5%B7%E4%B9%8B%E5%A8%98%E5%93%81

黑椒燒三文魚

又是一個偷懶人菜式,方便好味又便宜
本來想用七味粉,但佢地怕辣味只好加D黑椒就算,沒有用很
多調味,但就係因為咁反而能吃到三文魚
本身嘅鮮甜甘香,一點都不腥膩,更因為是用焗可以將很多

油也焗了出來,減肥期間也可放心食用,很多人

怕魚骨而不吃魚,食三文魚可免除怕骨問題,一於食魚有益!

娘娘一家三口,買一盒才15元,可以打吓斧頭TIM.

材料:

三文魚骨腩1盒,
即磨黑椒碎,
少許鹽

做法:

1. 三文魚洗淨抹乾,灑海鹽少許,再加上即磨黑椒碎,(焗爐盤包錫紙) 
2. 焗爐200度預熱8分鐘,
3. 魚放入焗12分鐘轉放高位焗5分鐘OK

***如家中沒有焗爐可改用易潔鑊不用加油煎至二面焦香,
可改用三文魚扒,吃辣可加七味粉,真的一點腥也怕可加少

少檸檬汁.

 

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32224/category/%E6%B5%B7%E4%B9%8B%E5%A8%98%E5%93%81

豉汁炒蜆

材料:
蜆2斤,
蒜頭3瓣(拍鬆)
豆豉1.5湯匙,
辣椒1隻
如果愛吃辣可加豆瓣醬1.5湯匙會更惹味

做法:

1. 蜆買回家先用鹽1湯匙開水1公升浸2/3小時,
2. 燒一大鍋水把蜆放入至蜆打開取出留用
3. 燒熱鑊下1湯匙油用中火爆香蒜頭豆豉辣椒灒1湯匙酒,
4. 加入300ml水下糖1茶匙生抽1茶匙,生粉勾芡至杰身,
5. 將蜆倒入改大火快手炒勻,OK

***如果買嘅蜆焯時不會自己打開就要掉左佢,

因為有可能是以經死左,加豆瓣醬可不加生抽糖可以多

半茶匙,有豆瓣醬會惹味很多.

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32242/category/%E6%B5%B7%E4%B9%8B%E5%A8%98%E5%93%81

薑蔥生蠔

天氣開始涼,人在咁嘅氣溫好舒服,

食物種類又開始多,而娘娘最愛嘅生蠔亦開始肥美,

可惜當日還未有大隻一點,只好暫時解下娘娘

呢隻為食貓嘅心隱,呢個菜屬於快炒菜,

重點是要用大火,先將生蠔汆下水,

用紙吸乾水份撈少許生粉,

開大火爆香薑片,蔥頭下生蠔(不要即炒呀,用煎方式)

二面煎下就灒酒下蠔油,糖,生抽,少許生粉水勾芡,

***小技巧...生蠔放滾水後最好關火用浸的,

咁生蠔就不會老,蔥尾最後才下.

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32364/category/%E6%B5%B7%E4%B9%8B%E5%A8%98%E5%93%81

香辣新西蘭青口

好耐無炒青口,個日去梁九記見到就心思思,

因為之前出過報告話香港貝殼類含金屬超標,

所以都有幾個月無食啦,

今次無用呀幟哥配方,

想煮得有少少墨西哥風味,

但又唔想去買一大堆醬料,

咁就膽粗粗自己試下配啦,

出來效果又好好噃,

連二寶都話好味,

一於寫低可以下次再煮過,

材料:

青口肉1盒$20蚊,
蔥段 [ 用蘿勒葉應該更好]

薑粒,

蒜茸,
乾蔥茸,
香葉.
白酒,

汁料:

蕃茄醬,
茄膏,
辣椒醬,
唿汁,
生抽,
糖,
水,

做法:

1. 爆香薑粒,蒜茸,乾蔥茸,加入香葉,白酒,
2. 加入汁料煮滾 下青口煮1分鐘試味,
3. 生粉水勾芡, 最後下蔥段或香草,完成.

***青口可用胡椒粉或黑椒醃一會更香!

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32511/category/%E6%B5%B7%E4%B9%8B%E5%A8%98%E5%93%81

帶子炒九菜花

最近都一直在忙,所以回應都會比較慢,

同埋食譜都會慢一步才加回,希望各位好友見諒,

好耐都無炒帶子啦, 個日行過見到就心思思,

不過口感就麻麻地, 都係日本同澳洲嘅帶子最正,

鮮甜可口,但自從日本地震後就無食過啦,

今日主題係同大家分享下小秘訣, 大家有無試過炒帶子會出好多水,
或是煮完會好UN,
如果你屋企係用電磁爐, 就提議唔好炒帶子啦,
因為火力唔夠大,炒帶子未能一下封全表面, 就會不停出水變UN,
我一般都會用一個大碗用滾水先浸帶子1分鐘,
再瀝乾水加少許鹽胡椒粉,
開大火燒至出煙下少許油下帶子,
煎至焦香就可配任何蔬菜啦,

咁就可以保住帶子鮮甜又唔UN,

須然班門弄斧,都係娘娘小小心得!

日式照燒汁煮青魚

呢二日相當之熱,大家有無去街街,

還是在家涼下冷氣食下西瓜,
定係去左游泳,大寶今日就去左遊船河,

肯定晒到隻燒豬咁返黎,

香港因為休魚期都無乜好魚食,

早前買嘅日本青魚就合晒用啦,
呢度係一包即一條青魚分左二片肉,
包裝入面有一包醬油賣$20元,

二寶女朋友好鐘意食,

煮法好簡單,雪櫃拿出來解凍後,

用半茶匙鹽醃一會,

材料:
日本青魚1盒[內有2片加一包醬油]

做法:

1. 燒熱平底鑊中火每邊煎1分半鐘至焦香 ,
2. 取出入面包日本醬油加4湯匙水1湯匙味淋, 糖半茶匙,淋在魚上煮至汁滾收汁至少許,
3. 加入蔥花試味OK!

***如果買了沒有醬油的可用照燒汁代替!

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32666/category/%E6%B5%B7%E4%B9%8B%E5%A8%98%E5%93%81 

薑蔥炒蟹

最近休魚期過左,

好多海產都平左好多,

那天行過就比魚檔呀姐吸左埋去,

大大隻花蟹都係$40元1斤,

本來我最愛吃清蒸三點蟹,

可惜今次呢D唔係三點蟹,
我又好耐無食薑蔥炒蟹,

咁就炒番餐勁嘅,

黠知無人番黎食飯,

呢1斤蟹就咁成為我嘅晚餐啦!

 

材料:

花蟹1斤,
薑5大片,
蔥段大量,

調味:

生抽1湯匙,
糖1茶匙,
生粉1茶匙開水,

紹興酒1湯匙,

水100CC

做法:

1. 蟹洗淨1開2或4都可以, 瀝乾水洒1湯匙生粉撈勻,
2. 燒鑊至大熱下2湯匙油爆薑片同一半蔥段白色部份,
3. 下花蟹煎一會再反轉煎另一面,
4. 灒酒加水同調味加蓋焗3分鐘,
5. 埋蔥段勾芡OK.

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32702/category/%E6%B5%B7%E4%B9%8B%E5%A8%98%E5%93%81

照燒汁燒元貝

 

我就自己用日本豉油,味琳加糖慢火煮個汁,
差不多煮好試味後,
就加煎好二面的元貝下去,
二面都放入汁中煮1分鐘,
如果怕麻煩煮汁就可買現成的照燒汁代替,
二個囝囝食完都好鐘意,
以後家中就多個菜式可以煮啦,
簡單好味又方便,
啱唔啱你口味呢^Q^
材料 : 急凍元貝6隻,
調味,日本豉油1湯匙,味琳1湯匙,糖1茶匙,水1湯匙.

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/595775/category/%E6%B5%B7%E4%B9%8B%E5%A8%98%E5%93%81

龍井蝦球

龍井蝦球 中蝦仁 - 420 克 蜜糖豆 - 70 克 珍珠筍 - 6 條 蒜頭 (切片) - 1 粒 薑 - 2 片 龍井茶葉 - 4 湯匙 熱水 - 1/2 杯 鹽 - 1/3 茶匙 生粉 - 1 平茶匙 胡椒粉及麻油 - 少許 龍井茶 - 5 湯匙 鹽及雞粉 - 各 1/4 茶匙 糖 - 1/2 茶匙 生粉 - 1 茶匙 1. 中蝦仁去腸，沖淨，抹乾，切雙飛，拌入調味料醃 15 分鐘。 2. 蜜糖豆去筋，珍珠筍切段，同放滾水內飛水。 3. 龍井茶葉用熱水沖焗，泡 5 分鐘，取出茶葉，吹乾；燒 2 杯油，將龍井茶葉放油內炸脆，取出隔油，備用。 4. 再燒熱油，將蝦仁泡熟，取出。 5. 燒 2 湯匙油，爆香薑及蒜，蝦球回鑊，與配菜及獻汁兜勻，上碟，灑上香脆龍井茶葉。