抹茶紅豆車輪餅

http://allie0054.blogspot.hk/2016/09/blog-post.html

甜蜜蛋糕食譜

情人節自己整個cake先夠sweet！ 立即上eShop買番個光波爐啦！

材料：牛油(放軟)150克，砂糖200克，雞蛋5隻，自發粉200克，鹽1/4茶匙，糖霜適量
1.將牛油、糖、蛋打勻至糖溶解。光波爐調校至190°C預熱。
2.用篩將自發粉篩入蛋漿，以順時針方向拌勻。
3.心型蛋糕模掃上牛油，然後倒入粉漿。
4.打開光波爐，放入蛋糕模置於低架，裝上加高圈，焗12-15分鐘或直至蛋糕變為金黃色。
5.取出蛋糕，灑上糖霜即成。

心太軟食譜

用光波爐自製情濃心太軟，為嚟緊嘅元宵做好準備啦！

材料：麵粉50克，砂糖40克，雞蛋4隻，黑朱古力200克，牛油200克

1. 黑朱古力和牛油隔熱水座融。
2. 在大碗中放入雞蛋，加入糖，用打蛋器打起。
3. 將朱古力漿加入蛋漿中拌勻，然後逐少篩入麵粉，輕輕混合均勻。
4. 心型鐵模內掃上牛油及撒上麵粉，再倒入粉漿。
5. 光波萬能煮食鍋放入低架及鐵模，按「蛋糕」鍵，以180°C焗8分鐘即成。

木瓜雪耳糖水

材料：
木瓜
雪耳
南北杏
冰糖
清水

屬於簡單易做嘅中式糖水之一。木瓜去皮去籽，洗淨切件 (最好揀啲比較熟嘅，除咗因為顏色紅啲之外，仲可以令到啲糖水甜啲 )；雪耳浸熱水，待發脹之後，剪去底部木頭部份，洗淨後汆水備用。煲滾水後，將所有材料加入清水中，再次煲滾後，就可以番落個真空煲度，食之前再煲一煲就掂哂！

好好味，好滋潤呀。

 

Source: http://blog.yahoo.com/_EZXYU2MODYMADQBDU3JSDYNTL4/articles/66657/category/%E5%B9%B8%E7%A6%8F%E7%94%9C%E5%93%81%E7%AF%87

芝麻糊

材料：
黑芝麻
白芝麻
米
片糖
清水

先用白鑊將黑芝麻同白芝麻炒香。

將芝麻同米一齊放落攪拌機度打碎 (米要預先用水浸約 30分鐘)。

將已打成粉狀嘅材料倒入煲內，加入清水，用中火煲滾 (如果你想啲芝麻糊食落幼滑啲，咁你就要隔渣啦，而我就無隔渣嘅，因為一來可以高纖啲，二來唔想咁麻煩)。記得邊煮邊攪拌，因為好容易黏底，當見到開始煲滾時，加入已經煲溶咗嘅片糖水，再煲到大滾就得啦。

一碗熱辣辣、香噴噴嘅芝麻糊就係咁簡單整到啦！

Source: http://blog.yahoo.com/_EZXYU2MODYMADQBDU3JSDYNTL4/articles/66706/category/%E5%B9%B8%E7%A6%8F%E7%94%9C%E5%93%81%E7%AF%87

紫心蕃薯湯水

材料：
紫心蕃薯
薑
片糖

蕃薯去皮洗淨，然後切粒；薑切片。水滾後，將蕃薯同薑一齊落煲，煲到差唔多腍時就加埋片糖落去，再煲至片糖完全溶解就 OK。冬天食呢個糖水就最正，熱辣辣、暖 " 笠笠 "，食落好舒服。

影相因為有閃光燈，所以影出嚟啲色好靚，之前喺個煲度果陣就好恐怖，" 黑抆抆 "，成煲墨汁咁。

呢個係一個由材料到做法都非常簡單快趣嘅糖水，因為蕃薯好快腍，所以由洗洗切切開始到寫完呢篇 blog 都唔駛半個鐘，我依家都係一邊寫、一邊食咋！真係懶人菜中嘅表表者。

白果薏米腐竹糖水

材料：
白果
薏米
腐竹
冰糖
雞蛋

- 白果先剝殼，然後去衣、去芯；薏米洗淨後用水浸約半個鐘；腐竹洗乾淨，用水
浸軟。

- 煲滾水後，先放白果同薏米煲一陣間。
- 之後放埋浸軟咗嘅腐竹，再煲多一陣，見腐竹滾爛後，就可以放番落真空煲度。

- 到食之前半個鐘拎番出嚟煲番滾，然後加冰糖。

- 當所有冰糖都煮溶哂時，就可以打雞蛋入糖水度，蛋煮熟後就攪掂。

一個簡單易做又好味嘅湯水，原來都有食療價值。我睇番中醫師何樹勛博士寫嘅《保健湯水》都有教煲呢個湯水，可以治哮喘、利小便、去水腫、清熱除痰，生薏米仲可以抗癌療癌 o添！不過冬天都係唔好飲太多，一來糖水本身較寒涼，二來因為去水利尿，冬天就要成日去廁所！

椰汁紫米露

材料：
黑糯米
罐頭粟米
冰糖
椰漿
粟粉

- 黑糯米洗乾淨，用清水浸一個鐘。

- 煲滾水，將黑糯米放入，煲約 15 分鐘後就可以放番入個真空煲度。

- 約 3個鐘後，拎番出嚟煲番熱。

- 另外，將冰糖加水煲溶成糖水，然後倒入紫米露裡面一齊煲滾。

- 與此同時，用椰漿將粟粉拌勻，等到紫米露煲番滾之後就倒埋入去一齊煲，記得
邊煲邊攪拌，以免粟粉受熱凝固結塊，再次煲滾就有糖水食喇！。

 

Source: http://blog.yahoo.com/_EZXYU2MODYMADQBDU3JSDYNTL4/articles/66959/category/%E5%B9%B8%E7%A6%8F%E7%94%9C%E5%93%81%E7%AF%87

麥米番薯糖水

材料：
麥米
番薯
薑
片糖

- 麥米洗淨，用水浸過夜。

- 番薯刨皮後切件或大粒。
- 薑切厚片，備用。

- 除片糖外，將所有材料放入煲內煲滾，之後轉用中細火煲約 15 分鐘，然後校
番大火再煲幾分鐘就放人真空煲內。

- 約 2 - 3 個鐘後，將番薯放上火煲番滾。與此同時，另外再煲滾水，放片糖落去
煮溶成糖水。

- 將糖水倒入番薯裡面，拌勻，再次煲番滾就可以食喇！

Notes:
- 刨皮後嘅番薯要浸水，防止氧化變色。

- 麥米比較煙韌，所以用水浸過夜，等佢吸足夠水份就會無咁硬。

蓮子百合紅豆沙 ( 日本、新會 crossover 版)

早前喺雪櫃度搵嘢時，摷吓摷吓，原來發覺之前 Louisa 喺日本買俾我果包金時紅豆都唔記得食，所以今日就用佢嚟煲紅豆沙。

我習慣每次整任何豆類之前，都會前一晚先洗乾淨，然後用水浸過夜，噚晚我就將碗紅豆放咗入個微波爐入面，今朝打開個爐時，嘩，真係香都不得了！日本金時紅豆真係非同凡響，淨係浸水都已經咁香，整出嚟嘅紅豆沙實好正呀！所以我都無虧待佢 o架，加咗塊正新會陳皮落去一齊煲 ( 係媽咪擺喺灶底，收埋嚟用 o架，不過我屋企都仲有唔少，因為媽咪係新會人，所以佢果邊所有親戚都係新會人，以前好易攞到，所以儲落好多呢！ ) ，真係唔得掂，香到呢 ……

如果我呢煲紅豆沙拎出去酒樓賣，睇吓佢哋收你幾錢碗呀！！

材料：
金時紅豆
蓮子
百合
新會陳皮
片糖

 

- 紅豆洗乾淨，用水浸過夜。

- 蓮子用暖水浸軟、去芯，洗乾淨；陳皮用水浸軟後刮瓤、洗淨，備用。

- 煲滾水後，將紅豆、蓮子同陳皮落煲，之後跟真空煲用法處理。

- 百合用水浸至軟身，洗淨備用。

- 將真空煲再次上火煲滾，之後用湯勺將紅豆稍為壓出豆沙。

- 加入片糖煮溶後，再加埋百合，煮多陣就食得！

南北杏雪耳桂花梨湯水

材料：
南北杏
貢梨
雪耳
冰糖
乾桂花桂花糖

- 雪耳預先用水浸發，剪去底部後洗淨、剪碎，之後汆水去除 "噏" 味。

- 貢梨批皮、去芯後切粒；南北杏略為沖洗，備用

- 將以上 3 樣材料放入煲內、加水，煲滾後，依照真空煲用法處理好。

- 再次上火時，加入冰糖煮溶，之後加埋桂花糖。

- 最後加入乾桂花，煲多一陣間就完成。

椰香芋蓉西米露

材料：
芋頭
西米
冰糖
椰醬

- 芋頭去皮、略沖洗，之後切粒備用。
- 煲滾水，將芋頭粒放落真空煲度煲熟。
- 西米處理好，待用。
- 將一半煮熟芋頭連水放入攪拌機內打成芋蓉，然後倒番入煲內。

- 另外用少量水將冰糖煮溶，之後連同已煲好嘅西米一齊倒落芋茸度煮番滾。

- 最後等糖水再次煲番滾後，加埋椰醬拌勻即成。

Notes：
- 將芋頭去皮時，記得唔好預先沖洗表面，因為咁樣做就會產生一種物質，令皮膚
敏感而痕癢。

- 冰糖最好另外用水煲成糖水後再倒落芋蓉度，因為芋蓉比較濃稠，如果將冰糖直
接放入芋蓉內一齊煲，會無咁易煮溶。

- 煲芋蓉時記得不時攪拌，以免黐底。

清補涼糖水

材料：
紅棗
淮山
茨實
蓮子
百合
沙參
玉竹
冰糖

- 所有材料用暖水浸 1 個鐘，之後清洗乾淨。

- 紅棗開邊、去核；蓮子開邊去芯；淮山、沙參同玉竹剪細。

- 煲滾水後，將所有材料放入，再次煲滾後就轉慢火煲 2 個鐘。

- 之後加入冰糖，煲至完全溶解即可。

甜忌廉 保存法

甜忌廉 保存法
http://blog.yahoo.com/_EZXYU2MODYMADQBDU3JSDYNTL4/articles/67075/category/%E5%85%A5%E5%BB%9A%E5%B0%8F%E8%B2%BC%E5%A3%AB


早前同 blog 友幸福蠍傾開關於甜忌廉嘅嘢，佢話俾我聽佢係用愛護牌甜忌廉，而且未用果啲又可以放番上冰箱度，到用之前先拎番落下格解凍，聽落都幾方便好用，於是就走去「二德惠」睇睇，問清楚哂啲職員，原來真係淨係得呢隻牌子先可以開封後仲可以放番上冰箱儲存，佢仲教埋我點樣處理會方便啲，所以就扑鎚買呢隻喇！

買咗返屋企之後，第一時間將佢放上冰箱，因為喺返嚟嘅途中已經開始溶喇！到我要用的前一晚，我就放落下格解凍，打開紙盒後，第一時間將佢切成一份份，之後用保鮮紙將每份忌廉獨立包好，用膠盒裝好後再放番上冰箱度，攪掂。

真係好方便喎！

Notes:- 開封後最多都只係放到 1個月左右。

- 放上冰箱時，記得喺個盒面貼上寫有開封日期嘅 label，咁就唔會過咗期都唔知
啦！

- 只需有少少軟化已經要立即開封切開分裝，如果唔係，根本無可能可以完完整整
咁成嚿用保鮮紙包住，。

椰汁馬豆糕

材料：

• 馬豆 (Split Peas) 1/2杯
• 粟粉（玉米粉 cornflour）1杯
• 糖 1 1/2杯
• 椰漿（椰奶 coconut cream） 2/3杯
• 花奶 (evaporated milk) 1/2杯
• 水 4杯

做法：

1. 將馬豆洗凈，隨冷水放入煲內煮軟稔後，放在篩中瀝乾水份，待用。
2. 用 1杯水，把粟粉調勻。
3. 將糖放入3杯水中煮到大滾，隨即加入花奶和椰漿。再滾時，倒進拌勻的粟粉水，徐徐不停地搞拌，用中慢火煮至再滾後，煮多2分鐘。
4. 把煲撤離火，加入馬豆輕輕拌勻。
5. 倒糕糊入已濕水的糕盤模型或食物盒中，放涼後，置入雪櫃（冰箱）中冷藏。

溫馨提示：

1. 冷藏後的馬豆糕會變硬一點。
2. 要小心，煮馬豆很容易滾瀉，可以把煲蓋打開些少！煮一會後，熄火焗20分鐘，然後再開爐火再煮，馬豆會快些軟稔。

來源: http://www.christinesrecipes.com/2008/08/split-pea-and-coconut-cream-pudding.html#ixzz1ZMLiJFhS

豆沙

1. 預備的材料也是『簡單』二字。紅豆跟水，比例是 1:3 即一杯紅豆，用三杯水煮。糖就因應個人口味而定。
2. 紅豆預先沖水洗凈。然後浸水（泡水）三至四小時。如果浸上半天更好，可以縮短煮豆的時間。然後撈起。
3. 三杯水下鍋，先用中大火煮至大滾（煮開），隨即加入紅豆，再滾後，立即調至小火。通常基絲汀煮至水剛收乾，紅豆就已經很軟身了。基絲汀所用的是電爐，可以把火路較得很低。煲蓋又蓋得緊，水份不容易揮發走。但如果大家是用煤氣（瓦斯或石油氣）爐的話，火力會猛一點，煮紅豆的水份就要加多一點了。最好用不黏底的煲。因煮至水乾時，也不容易黏底。
4. 在水還剩下三份一時，就下冰糖。因為冰糖很大塊，要先舂成小碎塊。繼步加糖，自己試味，直至自己滿意為止。因個人口味不同，喜歡的甜度也不一樣。自己要調較。基絲汀個人喜歡冰糖味較清甜。但也有人喜歡片糖的。
5. 火路和時間是把紅豆煮軟的重要因素。火太大的話，水份就很快揮發。如果紅豆未夠軟身前，水份不夠的話，也不怕。可以加適量的滾水（開水）繼續煮囉。

可繼續用水把紅豆煮軟後，就撈起，放至熱鑊中，用很小的火，一邊加少許油和逐步加糖，一邊炒紅豆，並壓爛，直至紅豆夠甜夠綿爛，並轉至暗紅色。

來源: http://www.christinesrecipes.com/2009/03/how-to-make-red-bean-paste.html#ixzz1ZM1HhogS

蝴蝶酥

約可做 18隻份量

材料：

• 急凍酥皮（puff pastry 室溫解凍）1塊, 24cmx24cm
• 幼砂糖 約 1/4杯
• 牛油（奶油 butter 先行融化）酌量

做法：

1. 把焗爐預熱至 200C (392F).
2. 在工作台上，用篩平均灑下一半糖，把解凍後的酥皮小心鋪在上面。輕輕掃點牛油。在上面灑下另一半糖。把一邊的酥皮向內褶四份一，再向內褶多一次到中間位置；另一邊也如是（如上圖示）。最後，把兩邊復合成六褶的長條形。用手輕輕按壓。目的是令酥皮黏得好，焗的時候不會彈開。放入雪櫃（冰箱 fridge）冷藏 20至 30分鐘。
3. 用利刀切開約 1/2吋闊的幼條。兩面塗點融化牛油。把上面兩邊稍稍分開，焗後就會像蝴蝶雙翼的形狀。
4. 放入焗爐焗約 20分鐘。焗最後 5至8分鐘翻轉另一面繼續焗，直至兩面金黃色並鬆脆，即成。

溫馨提示：

• 喜歡的話，可以用雲呢拿（香草vanilla）糖，就更添香味。
• 雲呢拿糖在超市有售。或自己製造：把雲呢拿 vanilla 切開，用刀刮出種子，連莖放入密封的糖樽，與糖拌勻，蓋好就可以。需用時取出。
• 如果快手褶好酥皮後，酥皮不太軟，可直接放入焗爐，可省卻放入雪櫃那步驟。
• 如果你的焗爐有 fan-forced 設備 (即是加風扇吹熱風)，最好用它，因為熱力較均勻，焗出來的蝴蝶蘇顏色均勻漂亮。我就是用了 fan-forced，溫度則調至 180C.（註：溫度作參考，因應每個焗爐的熱力不同。）

來源: http://www.christinesrecipes.com/2009/07/palmiers-recipe.html#ixzz1ZLywMpxf

原味雞蛋仔

廚房用具：

• 雞蛋仔模一個
• 木匙一個
• 油掃一個
• 大量杯一個
• 大碗缽兩個
• 電子磅一個
• 鐵叉一個
• 蛋糕架 (Cake Cooling Rack) 一個
• 粉篩一個

材料：

• (可做雞蛋仔數個，視乎雞蛋仔模大小和成功率而定)
• 麵粉 140克
• 發粉 (baking powder) 7.5克
• 吉士粉 (custard powder)  1湯匙
• 木薯粉 (泰國生粉, topica starch)  28克
• 雞蛋 2隻
• 白砂糖 140克
• 淡奶 (evaporated milk)  28克
• 清水 140毫升
• 植物油 (制作麵糊用) 28 克
• 植物油少許 (掃模用)
• 雲呢拿香油 (vanilla essence) 兩滴

做法：

1. 先將所有粉過篩篩勻備用。
2. 用木匙將蛋及糖拌勻，逐少加入淡奶及水拌勻。
3. 把篩好的粉料 (1.) 分次逐少加入雞蛋溶液 (2.) 中，不停攪拌成稀滑麵漿，不可 起粒。
4. 加入雲呢拿香油攪拌。
5. 最後加入油攪拌。
6. 把滑麵漿放進冷藏庫雪藏一小時。
7. 用前半小時拿出雞蛋滑麵漿變回室溫。
8. 把雞蛋仔模夾兩邊燒熱，模上用掃一層油。
9. 把雞蛋滑麵漿倒入大量杯內，方便注入蛋仔模內。
10. 把雞蛋滑麵漿注入蛋仔模內至八分滿，蓋上蓋，將模夾緊。然後將模夾緊搖勻反轉置爐上，以中慢火底面各燒1-2分鐘至雞蛋仔離模及熟透。
11. 用叉把雞蛋仔挑出放在蛋糕架上待涼。
12. 重覆做步驟 (8. 至 11.) 直至用畢所有雞蛋滑麵漿為止。

溫馨提示：

• 新購回來之雞蛋仔模清洗必要乾淨後燒熱，然後按以上製法做出雞蛋仔。雞蛋仔取出後棄之不要，重複兩至三次直至雞蛋仔較易鬆離為止。
• 雪藏一小時後的雞蛋仔蛋漿較容易做出外脆內軟的雞蛋仔。
• 掌握好製作原味雞蛋仔的技巧後，可嘗試製作其口味，如朱古力/巧克力、 椰 絲 、黑芝麻等。可於打透的麵糊中加一湯匙朱古力 / 巧克力粉、 椰絲、 炒香 芝麻，拌勻便可。 (我嘗試過加入朱古力 / 巧克力粉做成朱古力雞蛋仔， 效果 很不錯。)
• 雞蛋仔待稍涼後進食才會香脆。
• 女士們倘若覺得握住雞蛋仔模太久而覺得太重的話，可請家中的男士輪流幫忙一下。

雞蛋仔模可在以下地點購買：

• 上海街宇宙廚具 (地址：油麻地上海街327A地下)
• I Love Cake (地址：油麻地上海街338號地下)

來源：http://www.christinesrecipes.com/2010/09/hong-kong-style-egg-waffle.html#ixzz1ZLrvC9ak

砵仔糕

• 

  材料

  • 粘米粉 95克
  • 澄麵粉 60克
  • 糖 110克
  • 水 500毫升
  • 熟紅豆 60克 

• 製法

1. 粘米粉與澄麵同篩勻，加入 180毫升水開勻待用。 

2. 糖及餘下水煮滾，把糖水倒入粉漿內，攪勻。 

3. 小碗掃油，倒入粉漿，放上紅豆，大火蒸約 20 分鐘至熟，待稍冷，用竹簽

    挑出即成。 

來源：http://www.heh.com/hehWeb/ElectricLiving/HomeManagementCentre/Cooking/RecipeCorner/SteamedPudding_zh.htm