清蒸桂花魚

材料: 桂花魚  1條            10兩

      薑      1塊 (切絲)     約 20g    

      蔥      2棵 (切絲)     約 14g

調味: 醃魚    鹽 少許抹勻魚身

    

      淋魚面  甜鼓油或煲仔飯豉油 1湯匙

      滾油    2湯匙

做法:

1.    薑去皮洗淨後切幼絲，備用。

2.    蔥去頭尾洗淨後切幼絲，備用。

3.    桂花魚用幼鹽抹勻魚身，不斷用手抹勻魚身及小刀刮以除去魚身上的滑孱，用水清洗乾淨，重覆用鹽洗魚直至沖水後用手摸魚身時感覺不到有孱，瀝乾水份，備用。

4.    用幼鹽抹勻魚全身調味。

5.    大火燒熱蒸鍋內的水。

6.    在一長身的蒸魚碟內放兩小竹籤，上放抹了幼鹽的桂花魚。

7.    待蒸鍋內的水燒至沸騰後，將蒸魚碟放入蒸鍋蒸約7分鐘。

8.    打開蒸鍋蓋，在魚面上先舖上一層薑絲，蒸約3分鐘。

9.    3分鐘後，打開蒸鍋蓋，將蒸碟內的水份倒走，然後將蔥絲均勻地灑在魚面上再蓋回鍋蓋焗一會兒。

10.              另起鑊燒滾2湯匙油，打開蒸鍋蓋，將滾油淋在薑蔥絲上使變熟。

11.              將1湯匙甜豉油或煲仔飯豉油由碟邊加入，趁熱進食。

心得:

1.    魚買回來後如不打算立即蒸，切記不要洗，應立刻放入雪櫃內，待要吃時才拿出來洗，否則魚肉會變黴。

2.    魚若夠新鮮是不會腥的。如蒸的不是游水的鮮魚，蒸碟內的魚水要記得倒掉才可下滾油及豉油。

3.    魚底下放竹籤是想將魚升高，使魚底層在蒸時可納入空氣，且升高後的魚便不會浸在從鍋蓋頂滴下來的水內。

4.    焗蔥花只需焗一會兒即可，若焗得太久蔥花會變黃不好看。

5.    豉油及滾油要待吃時才淋，且淋時要先下滾油。

6. 若魚太大條不知是否已全熟，可用筷子剌入魚最厚肉的背部，筷子穿得過且出來時乾淨的，即表不魚肉已熟，穿不過便要再蒸多一兩分鐘。

source: http://blog.yahoo.com/_MXVTUQIDUALLHMXPTM2P7CUWW4/articles/44836

陳皮蒸桂花魚

【明報專訊】Holly的陳皮蒸魚很簡單，粗鹽略醃鮮魚，洗淨後放陳皮絲。魚不必調味，蒸10分鐘左右，熟透便可上碟。廣東蒸魚會淋滾油及醬油，但是最能吃魚鮮味的蒸魚，則不必醬油和熟油。潮州人深明魚鮮味濃的道理，竹籠蒸魚不必豉油。水上人煮魚，也是滾水燙熟後即食。需要增味的話，則預備一小碟醬油，隨沾隨吃。 刮走陳皮白色層助化痰 一般蒸魚，必有薑蔥，陳皮蒸魚則可免，魚肉與陳皮有其化學作用，香甜而不辛辣。Holly準備陳皮絲蒸魚，先把陳皮浸水，等陳皮軟化，再慢慢刮去陳皮內層的白色乾纖維組織。其實陳皮內層的纖維組織有藥效，留白則有和中理胃的作用，去白後的陳皮則可下氣消痰。換句說，利用陳皮開胃去食積破胃氣的話，不必去白，若是化痰的話，則應去白了。李時珍說，魚多吃生痰。如是，蒸魚時的陳皮需要去白了。反而，陳皮炆鴨的話，陳皮可以和中理胃，陳皮可不必去白。 編輯 陳彩霞 觀看陳皮蒸桂花魚製作步驟

清蒸石斑

材料：

• 石斑魚（約700克） 1條
• 冬菇 8隻
• 蔥 2條
• 老薑（切絲）酌量
• 鹽 少許
• 胡椒粉 少許

醃料：

• 生抽（醬油）1茶匙
• 糖 1/2茶匙
• 粟粉（玉米粉）1/2茶匙
• 油 少許

調味料：

• 生抽（醬油）4茶匙
• 老抽 1/2茶匙
• 蒸魚汁（蒸魚時出的汁） 4湯匙
• 糖 1/2茶匙
• 乾蔥蓉 1茶匙

做法：

1. 先把冬菇浸軟，切絲。用醃料拌勻。用大火隔水蒸20分鐘。這樣處理過的冬菇特別軟滑好味道。是基絲汀的媽媽傳授的。備用。
2. 石斑魚打鱗洗凈。用廚房紙吸乾水份。魚的兩面輕輕灑點鹽和胡椒粉。因為是冰鮮魚，用少許胡椒粉去腥味（如果有的話）。灑下蔥絲，白蔥粒，冬菇，少許油。用大火隔水蒸約 18至20分鐘，或直至熟透。用筷子插入魚最厚肉地方，可以容易穿過的話，就是熟透了。
3. 燒熱少許油，放下乾蔥蓉爆香，加調味料煮滾後，繼續煮至汁收乾一些。自己試味。淋在蒸熟的石斑魚上面，再灑點綠色蔥粒，即成。趁熱供食。

溫馨提示：

• 蒸魚的時間視乎魚的大小而定。

更多内容: http://www.christinesrecipes.com/search/label/%E4%B8%AD%E5%BC%8F%E9%A3%9F%E8%AD%9C?updated-max=2009-09-20T15:30:00-07:00&max-results=20&start=160&by-date=false#ixzz2N3WmHbpx

銀芽椒絲炒魚片

材料：
芽菜
炸魚片
三色椒
薑茸
蒜茸
鹽
糖
紹酒
仙露
即磨五色胡椒
炒香芝麻

芽菜洗淨、摘去芽根，之後汆水，但只需好短時間，否則就會變腍，炒出嚟嘅芽菜就唔爽口；炸魚片同三色椒洗淨後切粗絲備用。先落薑茸、蒜茸起鑊，炒香啲椒絲同魚片，隨即加入芽菜快手兜兩兜，贊酒，加鹽、糖、仙露調味，即磨少少五色胡椒落去，跟住就即刻可以上碟，最後灑上芝麻，一碟色、香、味俱全嘅銀芽椒絲炒魚片就呈現喺眼前。

Source: http://blog.yahoo.com/_EZXYU2MODYMADQBDU3JSDYNTL4/articles/66687/category/%E5%90%84%E5%9C%B0%E8%8F%9C%E5%BC%8F%E7%AF%87

蒸細鱗

材料：
細鱗
薑片
蔥段
蒸魚豉油

其實蒸魚就無乜太大特別，加上我係佛教徒，唔會食生猛海鮮，只會食 "o訓覺" 魚，所以無乜值得講，不過就想同大家分享吓我今日嘅經驗。

呢次係我第一次自己買細鱗蒸嚟食，以前媽咪都間唔中會買呢隻魚嚟蒸，都覺得好食，但其實今日我喺魚檔見到時，係鋪哂喺冰上面，好大部份都已經有 "白內障"，唯獨是我揀到呢條仲係眼仔碌碌，對眼好晶瑩通透，魚腮就一定唔係鮮紅 o架喇，但就不之於瘀紅，只係淡紅啫，見佢 size 都唔細，夠我哋兩個人食，全部都只係 $13 條，加上之前多數食急凍魚柳或魚扒，好耐都未食過蒸魚喇，所以即管買嚟試試，不過唔會抱太大期望。

點知蒸完出嚟又幾好喎，我老豆因為 "無牙"，所以不嬲都淨食魚腩，佢就話無乜味，個係我食個魚背就非常鮮甜，夾咗少少俾佢試，佢都話同個腩完全唔同，鮮甜好多，由此可以證明到兩樣嘢：

1. 魚不可以貌相

2. 魚腩同魚背嘅食法係可以有咁大分別

Source:

豆豉鯪魚炒油麥菜

材料：
油麥菜豆豉鯪魚
蒜茸
薑片

調味料：
雞粉
紹酒
糖

- 油麥菜洗乾淨後摘到適當長度；將鯪魚肉切碎，備用。

- 將豆豉鯪魚連適量油放落鑊爆香，灒酒，兜炒一陣就盛起魚肉同豆豉，油留鑊
內。

- 加入薑片、蒜茸爆香，放入菜炒幾下，加少量水，冚鑊蓋煮至微微軟身。
- 將豆豉鯪魚回鑊，落調味，炒勻即可上碟。

Notes：
- 雞粉唔駛落太多，因為豆豉鯪魚本身都已經有味，否則過鹹。

- 油麥菜唔好煮得太腍，保持爽脆先好食。

Source: http://blog.yahoo.com/_EZXYU2MODYMADQBDU3JSDYNTL4/articles/67266/category/%E5%90%84%E5%9C%B0%E8%8F%9C%E5%BC%8F%E7%AF%87

京燒銀雪魚

呢個餸係大寶指定要食,話好耐無食@@,不過而家`d銀雪魚好貴.

呢2片細細片都要四拾幾元

材料:

銀雪魚2片,

調味料:

生抽1茶匙半,
糖1湯匙,
酒少許

銀雪魚解凍後索乾水塗少許生粉

燒熱鑊下少許油將銀雪魚煎香至金黃取出放碟上

調味料細火煮滾加在魚上即可以(可加些蔥白絲在上裝飾,可惜我煮個日無蔥@@)

***呢個餸皮香帶小許脆,又無骨,魚肉很滑又唔腥.的確幾吸引

大家煮呢個餸唔須要去買日本漿汁因為用我寫配方都有日本汁效果

***煎銀雪魚最好用平底鑊,將魚放下後唔好心急成日去反轉

想知可反轉未只要將鑊前後動吓,如果d魚可輕易就轉移就可反啦.

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32073/category/%E6%B5%B7%E4%B9%8B%E5%A8%98%E5%93%81

清蒸豆腐大頭魚

昨日食左個咁肥嘅炸物,咁今日就當然要清D啦,有時想食蒸魚去到街市

都真係幾煩,因為賣嘅好多都係養魚,有D細條又好多骨,唔啱D食肉獸,

煎魚又唔想食咁多,所以淡水魚都會成日係我屋企出現,二種日常嘅淡水魚

我地就多數會食大魚,都算價廉物美,今日咁大嚿都係20玩加D豆腐,就一大碟

今日就唔講點蒸,反而想講吓D小心得,

***當你買左D魚返屋企洗淨後就最好用粗鹽醃佢,咁蒸出來D肉就會爽爽地,

無咁腍,比較有口感.

如果你買條魚唔知要蒸幾耐,其實可以問吓賣魚D人,佢地通常都好樂意話你知.

重有就係最好自己煮蒸魚豉油,真係好味多好,

亞媽以前教落食魚要大,所謂老魚嫩豬,魚大條D,因為魚味重D同肉會實身D,

如果你也是蒸豆腐魚最好豆腐也先用鹽醃一陣呀,因為單靠蒸魚豉油會唔夠咸.

橙汁香草魚塊

昨天出左薑蔥魚塊,原來很多人都同大寶一樣怕吃魚腥同怕D骨,呢個是昨晚

其中一個菜,因為二寶女朋友昨晚來吃飯,她喜歡酸酸甜同要有汁嘅餸,

而家年輕人大都喜歡比較西式煮法,看來我也要多點參考,

呢樽香草也是二寶買返來,上次他們拍拖3週年煮飯仔用,

呢個餸也可原件煎再淋汁,很合女孩子怕肥又怕麻煩去骨,

魚肉很滑,香草用橙汁味跟魚也很配合,連大寶對魚麻麻地也說好味,

材料:

鯰魚肉2條(切件)
橙1至2個(因大少有差別)

橙汁調味:

鹽少許,
生粉少許,
橙汁半碗.(如橙夠甜就不用加糖,如不夠甜可加糖調味)

醃魚:

半茶匙鹽,
胡椒粉少許,
薑汁少許,
香草少許,
醃10分鐘(在煎前加生粉, 1茶匙,油1湯匙撈勻)

1:用平底鑊(最好是易潔鑊)煎魚塊至二面微黃,留用

2:將橙汁調味下鑊煮勻試味,(汁要煮杰一點,要可掛在魚塊上)下魚塊兜勻.OK

***煎魚時不要將魚反來反去要等佢先要有點熟度(即轉白色),否則很易會散.

 

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32168/category/%E6%B5%B7%E4%B9%8B%E5%A8%98%E5%93%81

黑椒燒三文魚

又是一個偷懶人菜式,方便好味又便宜
本來想用七味粉,但佢地怕辣味只好加D黑椒就算,沒有用很
多調味,但就係因為咁反而能吃到三文魚
本身嘅鮮甜甘香,一點都不腥膩,更因為是用焗可以將很多

油也焗了出來,減肥期間也可放心食用,很多人

怕魚骨而不吃魚,食三文魚可免除怕骨問題,一於食魚有益!

娘娘一家三口,買一盒才15元,可以打吓斧頭TIM.

材料:

三文魚骨腩1盒,
即磨黑椒碎,
少許鹽

做法:

1. 三文魚洗淨抹乾,灑海鹽少許,再加上即磨黑椒碎,(焗爐盤包錫紙) 
2. 焗爐200度預熱8分鐘,
3. 魚放入焗12分鐘轉放高位焗5分鐘OK

***如家中沒有焗爐可改用易潔鑊不用加油煎至二面焦香,
可改用三文魚扒,吃辣可加七味粉,真的一點腥也怕可加少

少檸檬汁.

 

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32224/category/%E6%B5%B7%E4%B9%8B%E5%A8%98%E5%93%81

吉列龍脷柳配塔塔醬

價錢就真係好低,三個人都食唔晒,炸後先知日式麵包槺,

好用好多,1:唔駛好多油炸,2:炸完唔會一鑊都係麵包屑

材料:

龍脷魚柳二件,
檸檬半個(搾汁用),
日式麵包糠,
麵粉,
雞蛋2隻,

做法

1. 魚先用1茶匙鹽,胡椒粉,1茶悶檸檬汁醃10分鐘,
2. 雞蛋打勻成蛋汁,魚先在蛋汁沾勻再放在麵粉上撈至勻均,
3. 再放回蛋汁再沾滿一次放在日式麵包糠上用輕力將麵包糠按, 在魚肉上至魚肉都包上麵包糠,放雪櫃雪1小時,
4. 用易潔鑊下油約一飯碗 ,油熱改中火用半煎炸方式至魚肉,
5. 二面微黃改大火多炸半分鐘,把油逼反出來,放紙上吸乾油份 

塔塔醬:
材料:
蛋黃醬150克,
洋蔥碎50克
酸黃瓜碎30克
檸檬汁1茶匙,
鹽1/8小匙
胡椒粉少許,
將所有材料拌勻OK

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32244/category/%E6%B5%B7%E4%B9%8B%E5%A8%98%E5%93%81    

三色椒炒龍脷魚柳

 
由於此魚是急凍, 不好清蒸,一般是煎或炸,就配一下三色椒炒炒就OK.

材料:

龍脷魚柳2條斜切件,
洋蔥4份1個,
三色椒各3份1個切角,
薑片2塊,
蒜片2瓣,
蔥段少許,

醃魚調味:

鹽半茶匙,
胡椒粉少許,
蛋白半隻先撈勻, 再加1湯匙生粉或粟粉拌勻.

芡汁:

蠔油1湯匙,
糖1茶匙,
生粉1茶匙,
水2湯匙

做法:

1. 最好用易潔鑊加少油將魚煎至二面金黃,
2. 薑片蒜片洋蔥爆香下三色椒,水2湯匙炒約一分鐘,
3. 加入魚柳灒酒1茶匙勾芡快手輕力炒勻試味,加蔥段OK

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32252/category/%E6%B5%B7%E4%B9%8B%E5%A8%98%E5%93%81

紅燒豆腐三文魚頭

娘娘以前好鐘意食大魚頭,

一個人都食都會買一個回去豉汁蒸,

後來知道魚皮魚頭係好肥後就唔敢常食啦,

只會間唔中煮一次,今次係超市見到三文魚頭做特價,

咁就試下煮啦,味道好好,可惜天氣熱,D豆腐有一點點酸左,

變成一件都唔敢食,只吃魚頭就算,

建議大家煮都係斬開細件比較好,

成半邊煮有點難度同煮出來無咁靚

材料:

三文魚頭半個,
布包豆腐2件,
薑片5塊,

蔥段大量,另可加配菜,

調味:

生抽,
老抽,
蠔油,
糖,
紹興酒 ,(後加少許生粉水埋芡)
麻油,

做法:

1. 豆腐1開4片煎香(留用)
2. 配菜先汆水
3. 爆香薑片取出下魚頭煎二面焦香,
4. 下回薑片,豆腐,配菜,調味炆2/3分鐘加蔥段試味加生粉水勾芡,加麻油.OK

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32330/category/%E6%B5%B7%E4%B9%8B%E5%A8%98%E5%93%81

糖醋黃魚

可能剛過完年,而家魚類選擇唔多,

都係要食養殖魚類,

本來買左D黃花魚係蒸,想清清地,

因為當日係蒸排骨同焯菜,

大寶就抗議話全都係蒸,

只好臨時改菜單為糖醋魚,

魚太細條,如果整糖醋魚建議用大條D會好些,

煮完出來酸酸甜,魚肉又好滑,

味道都唔錯....嘻嘻 ~ 其實我都係第一次煮呀!

材料:

黃花魚一條,
蔥段,

糖醋汁:

蕃茄醬,
糖,
白醋,
生抽.

***小技巧係要在魚身界幾刀,

再用生粉搽勻魚身才去炸.

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32483/category/%E6%B5%B7%E4%B9%8B%E5%A8%98%E5%93%81

日式照燒汁煮青魚

呢二日相當之熱,大家有無去街街,

還是在家涼下冷氣食下西瓜,
定係去左游泳,大寶今日就去左遊船河,

肯定晒到隻燒豬咁返黎,

香港因為休魚期都無乜好魚食,

早前買嘅日本青魚就合晒用啦,
呢度係一包即一條青魚分左二片肉,
包裝入面有一包醬油賣$20元,

二寶女朋友好鐘意食,

煮法好簡單,雪櫃拿出來解凍後,

用半茶匙鹽醃一會,

材料:
日本青魚1盒[內有2片加一包醬油]

做法:

1. 燒熱平底鑊中火每邊煎1分半鐘至焦香 ,
2. 取出入面包日本醬油加4湯匙水1湯匙味淋, 糖半茶匙,淋在魚上煮至汁滾收汁至少許,
3. 加入蔥花試味OK!

***如果買了沒有醬油的可用照燒汁代替!

Source: http://blog.yahoo.com/_UQFS6EEQPNKS3QUWZ3C3N4VQ3Q/articles/32666/category/%E6%B5%B7%E4%B9%8B%E5%A8%98%E5%93%81 

鮮檸牛油汁龍脷魚

材料及份量: 龍脷魚（每條重200克，去皮、洗淨）4條 牛油200克 檸檬汁50毫升 芫茜（切碎）50克

調味料: 鹽及胡椒粉少許

製法:

1. 龍脷魚加入調味拌勻，將每面煎4分鐘，取出，保溫。
2. 抹淨鑊，加入牛油及檸檬汁，煮至牛油轉為金黃色，再加入芫茜即成醬汁，淋在(1)上即成。

小貼士 ：

1. 以上方法適用於烹調大部分魚類及牛仔肉。
2. 可佐以一小塊檸檬食用。
3. 可配合烚馬鈴薯食用。

清蒸海魚

 

材料及份量: 方利 2條

調味料: 薑(切絲) 適量 蔥(切段) 適量 甜豉油 適量 食油 適量

製法:

1.把魚的內臟挖掉，擦去魚鱗，洗淨後放在碟上，舖上薑絲。
2.煲滾水後，把魚蒸約15分鐘，視乎魚的大小厚薄而定。
3.另外起鑊煮熟油，熄火加入蔥段及甜豉油，製成調味汁備用。
4.蒸熟後，淋上調味汁即可。

小貼士 ：

1.選用任何海魚亦可。

蠔皇三文魚柳

材料

三文魚柳 2 件 [約150 克/5 安士/4 兩] 冬菇 2 隻 [浸軟、瀝乾及切絲] 甘筍 10 克 [切絲] 薑 1 片 [切絲] 蔥 1 棵 [切粒] 蒜蓉 1/2 茶匙

製法

1. 三文魚柳與醃料拌勻。 2. 用1湯匙油將三文魚煎至熟透，瀝乾。 3. 用1湯匙油略炒蒜蓉、冬菇、蔥粒、甘筍及薑絲，下芡汁煮至熱透，淋在三文魚柳上。

調味

醃料： 鹽 1/4 茶匙 胡椒粉 少許 芡汁： 李錦記舊庄特級蠔油 2 湯匙 粟粉 1 1/2 茶匙 糖 1 茶匙，水 100 毫升 *食譜由李錦記提供

烤三文魚排

材料

三文魚柳 6片（每片120克） Cajun調味料 20克 牛油清 60毫升 檸檬 6個 Mesclun沙律菜 120克 油醋汁 30毫升

製法

1. 三文魚塗上Cajun調味料調味。 2. 魚放入熱牛油中，煎約3分鐘，直至外層變微焦，期間翻動一次。 3. 沙律菜加上油醋汁。 4. 烤魚、沙律和檸檬配合食用。

清蒸鱸魚

料

鱸魚，蔥，薑，蒜，生抽，芝麻油，料酒，烹魚粉，鹽，雞精，糖 配料1:蔥斷，薑片 配料2:蔥絲，薑絲，蒜沫 配料3:生抽，芝麻油，料酒，鹽，雞精，糖

製法

將鱸魚去鱗洗淨，由腹部剖開，均勻塗鹽與烹魚粉，玫於放好配料1的盤子上，所有調料至於魚肚之下，以確保蒸時入味。 大火蒸魚十分鐘後，出鍋，將盤子上的蒸出的水倒出。 爆配料2至出香味，均勻澆於魚體上。 隨後灑上配料3，即可。