紫心蕃薯湯水

材料：
紫心蕃薯
薑
片糖

蕃薯去皮洗淨，然後切粒；薑切片。水滾後，將蕃薯同薑一齊落煲，煲到差唔多腍時就加埋片糖落去，再煲至片糖完全溶解就 OK。冬天食呢個糖水就最正，熱辣辣、暖 " 笠笠 "，食落好舒服。

影相因為有閃光燈，所以影出嚟啲色好靚，之前喺個煲度果陣就好恐怖，" 黑抆抆 "，成煲墨汁咁。

呢個係一個由材料到做法都非常簡單快趣嘅糖水，因為蕃薯好快腍，所以由洗洗切切開始到寫完呢篇 blog 都唔駛半個鐘，我依家都係一邊寫、一邊食咋！真係懶人菜中嘅表表者。