星洲炒米

材料：

青椒
紅椒急凍蝦仁

韭黃

洋蔥

叉燒

雞蛋

米粉

清雞湯

調味料：

咖喱粉

咖喱醬

鹽

糖
生抽

- 青、紅椒洗淨後去蒂去瓤，然後切條；蝦仁解凍後洗乾淨，挑去蝦腸，之後切雙飛。

- 韭黃洗淨切段；洋蔥去衣後切條；叉燒切絲；雞蛋拂打成蛋液，備用。

- 米粉用清水浸 10 分鐘至軟身，之後就盛起瀝乾水份，待用。

- 燒熱油，將蛋液煎成蛋皮，盛起後切成蛋絲。

- 之後逐一將青椒、紅椒、洋蔥、叉燒同蝦仁落鑊爆炒，之後盛起。

- 跟住爆香咖喱粉同咖喱醬，加入適量清雞湯煮開後，放入米粉。

- 用中慢火煮至米粉完全吸收哂水份後，就將其餘材料回鑊，加入鹽、糖同生抽調味。

- 最後加入韭黃，兜炒均勻後即可上碟。

就係呢隻炒米粉喇！同東莞米粉好唔同，入口無咁粗嚡之餘，仲好爽口。

好成功呀，啲米粉無炒到碎哂！





自己煮嘅好處係可以勁減油，清爽得嚟又健康。

Notes：

- 唔同牌子嘅米粉，煮法會有所不同，請參考包裝袋指示。

- 咖喱粉香但味淡；而咖喱醬則味濃但香味稍遜，兩者同用互補不足。

- 唔用清雞湯的話，可用清水代替。