扁豆赤小豆薏米冬瓜湯

材料：
冬瓜
豬腱
扁豆
赤小豆
薏米
陳皮
蜜棗

呢排成日打風落雨，天氣潮濕，攪到個人濕氣好重、好攰，頸膊又痛，如是就諗起煲呢個去濕湯水，希望飲咗之後可以去吓濕，舒緩不適。

冬瓜洗淨，切件；豬腱照舊洗淨汆水；扁豆、赤小豆要隔晚浸過夜，如果唔係，即使煲完湯嘅豆都唔會好腍，"硬掘掘" 好難食；薏米就洗淨浸一陣水；陳皮用熱水浸軟，去瓤、洗淨；蜜棗同樣用熱水浸軟。煲滾水後，將所有材料一齊放落去煲就已經無嘢做啦，等到夜晚食飯前喺真空煲度拎番出嚟煲多幾個字就可以飲 lu。

但係我無諗過啖湯會咁清甜，因為覺得除咗豬腱外，就無乜嘢可以令到啲湯會甜，唔通個冬瓜好靚好甜？