花膠新滋味唔煲湯做甜品

花膠新滋味唔煲湯做甜品

14/06/2006 文： Ming Wong　 花膠營養價值豐富，而且滋陰又補腎，但花膠黏口又飽滯，在夏天食似乎有點不合時宜，唔通花膠只冬天品嘗？非也，花膠除了炆、扣、燉之外，原來還可以用來做冷盤、甜品，甚至切絲撈米粉食都得。從事花膠生意二十多年的「花膠大王」，最近兼營食店御膳坊，讓大家見識一下另類花膠新菜式。 位於美孚新的花膠大王，門面看來是間花膠專門店，店外掛上一個寫「花膠大王」的大招牌，除了鎮店之寶花膠，店內還掛滿形形色色的海味，走過門前，若不細心留意店外的餐牌，也不知道這間海味舖原來別有洞天，在店的盡頭，是裝修雅致的食店─御膳坊。 賣而優則煮 老闆娘陳太表示：「我們做花膠生意已有二十多年經驗，後來兼營零售，開設專門店，眼見不少客人只懂以花膠用來煲湯或炆燉，但其實花膠還有很多種煮法，包括做甜品、冷盤，而且一年四季都可食用，因此決定在海味店內闢出一角做食肆，取名御膳坊，讓客人見識花膠的可塑性。」 細花膠宜煲湯  由於花膠種類繁多，不同種類的質感各有不同，有多年煮花膠心得的陳太即時路：「好似一肉厚、口感重大花膠，既矜貴又啖啖肉，最好用炆、炒或者扒，至於肉質無咁厚細花膠，適宜用煲湯、做甜品或者冷盤。而香港人最常買鴨泡筒（鱸魚花膠），由於比較腍身，膠質又重，炆食就最好。」 由於花膠專門店同時兼售海味，因此現時店內供應的菜式，食材以花膠、海參、魚翅、鮑魚為主。亦因為貨源充足，收費相對較其他食店相宜，每道菜平均六、七十元起，而除了海味菜式外，這還有不少特色小炒供選擇，其中黃帝骨便是近期的熱門推介。

Source: http://the-sun.on.cc/channels/fea/20060614/20060613224847_0000.html